صباحكم / مساءكم
وناسه
بإذن الله أبشتري جوال و ودي أشتري ساعه ماركه قوتشي شايفته جايزتن لي .
و ودي أصبغ إشعري زيتوني وخصل ثلجي يجنن مثل شعر مرت خالي.
و ودي أروح لـ أبو ريالين أبي شباصات وما شباصات.
و ودي أملى دولابي ببسي وفشار ليز حاااار بلا منّة عبدالعزيز بالموت يجيب لي من البقاله .
و ودي أشري لـ أميمتي خاتم ناعم.
و ودي أشري لـ أبوي بوك و إلا سبحه.
و ودي أشري كم قماش و أخيطهن تنانير و جاكيتات و بديات .
و ودي اكشخ بشنطه بـ إجتماع عمومتي مثل عمتي .
و ودي آفاجئ أهلي بعشاء طلبيه من هارديز أو هرفي
و ودي أشري عدسات فاتحه ايجننن مع المسكره .
وش بعد ! وش بعد ياربي ! وش بعد !
ايه تذكرررت ودي أروح للمشغل أسوي تنظيف بشره يقولون مسوين تخفيضات والفلبينيه أزين .
وبعطي أخوي علي قروش تسد اثمه عشان يودين اختار حلا وانزل للحلويات اختار على كيفي .
وش بعد ياربي ! وش أنا أبي لا إله إلا الله !
ايه بغيت أنسى وش اسمه الروج حق فطوم ياربيه ؟
ايه ماكس فاكتُر لون أحمر غزالي روعه كيوت مع تجعيد الشعر خيال يصير شكلي .
و ودي أجدد مفرشي ماغيرته .
وش بعد ! وش بعد ! لا إله إلا الله ؟
V
V
V
V
* سعودية جالسه تكتب وش تبي اذا نزلت حافز
هههههههههههههه
السبت 17 يناير 2015, 10:45 am
